उरूस, 18 जूलै 2021
उसंतवाणी- 112
(कॉंग्रेस एक जून्या इमारतीसारखी चाळी सारखी झाली आहे. रिडेव्हलपर बोलावून दुरूस्त करावी तसे प्रशांत किशोरला बोलावल्या गेले आहे. भाउ तोरसेकरांची ही उपमा मला खुप आवडली. त्यावरच ही उसंतवाणी लिहिली. राहूल-सोनिया-प्रियांका यांची एकत्र 2 तास भेट जी की कॉंग्रेसी नेत्यांनाही दूर्मिळ ती प्रशांत किशोरला भेटली. )
कॉंग्रेस बिल्डींग । खुप झाली जूनी ।
डेव्हल्पर कुणी । बोलवो हो ॥
धावला त्वरेने । प्रशांत किशोर ।
मनी नाचे मोर । कॉंग्रेसच्या ॥
सोनिया राहूल । प्रियंकाही खास।
देती दोन तास । बैठकीला ॥
विरोधी आघाडी । कोण हो जॉईन ।
कॉन्ट्रक्ट साईन । झाले जणू ॥
नव्या इमारती । कोरा मिळो फ्लॅट ।
कॉंग्रेसी सपाट । स्वप्नामध्ये ॥
आयतं बसून । वाजविती टाळ ।
गळ्यामध्ये माळ । घाला कुणी ॥
कांत ढासळती । कॉंग्रेसची गढी ।
माती हो उघडी । बुरूजाची ॥
(16 जूलै 2021)
उसंतवाणी- 113
(मुंबई विमानतळ चालविण्यासाठी विकासासाठी अदानी ग्रुपला देण्याचा निर्णय महाराष्ट्रातील महा विकास आघाडी सरकारने घेतला. याच आघाडीत कॉंग्रेस सामील आहे. दिल्लीत राज राहूल गांधी उठसुट अदानी अंबानी यांच्या नावाने खडे फोडत असतात. पण मुंबईत मात्र त्यांच्याच सरकारने हा निर्णय घेतला.)
विमानतळाचा । ताबा घे अदाणी ।
उद्धव करणी । महाराष्ट्री ॥
उद्योजकांसाठी । लाल पायघडी ।
सर्कार आघाडी । पसरते ॥
दिल्लीत राहूल । वाजवी पिपाणी ।
अंबानी अदाणी । नावे रोज ॥
संताजी धनाजी । जैसे मोगलांशी ।
राहूल गांधीशी । तैसे दोघे ॥
दिल्लीत गोंधळ । गल्लीत मुजरा ।
ऐसा निलाजरा । खेळ चालू ॥
लायसन कोटा । परमिट चांदी ।
रूजे स्वार्थ फांदी । कॉंग्रेसची ॥
कांत भांडवली । विरोधाचे ढोंग ।
कॉंग्रेसचे सोंग । कळो आले ॥
(17 जूलै 2021)
उसंतवाणी- 114
(पुलित्झर पुरस्कार विजेता जम्मु कश्मिरचा छायाचित्रकार पत्रकार दानीश सिद्दीकी याची तालिबान्यांनी हत्या केली. पण कुणीही पुरोगामी तालिबान्यांचा निषेध करायला तयार नाही. रवीश कुमार यांनी तर दानीश सिद्दीकीची ज्या गोळीने हत्या केली तिचा निषेध केला आहे. पण तालिबान्यांबद्दल चकार शब्द काढला नाही.)
दानीश सिद्दीकी । छायाचित्रकार ।
त्यासी पुरस्कार । पुलित्झर ॥
जळत्या प्रेतांचे । काढतो जो फोटो ।
देशद्रोही मोटो । चालवतो ॥
तालिबानी क्रुर । घेती त्याचा बळी ।
गप्प आळिमिळी । पुरोगामी ॥
मारतो मरतो । इस्लामचा बंदा ।
निषेधाचा वांधा । होतो इथे ॥
निषेध करीती । बंदुकी गोळीचा ।
नाहीच टोळीचा । तालिबानी ॥
आतंकवादाला । नाही म्हणे धर्म ।
सांगा मग वर्म । इस्लामचे ॥
कांत तालिबानी । बेभान सगळे ।
पुरोगामी गळे । कापताती ॥
(18 जूलै 2021)
श्रीकांत उमरीकर, जनशक्ती वाचक चळवळ, औरंगाबाद 9422878575
No comments:
Post a Comment