उसंतवाणी - राजकीय उपहास- भाग ८६

 उरूस, 9 डिसेंबर 2021 

(सहा डिसेंबर हा दिवस बाबरीचे पतन आणि बाबासाहेबांचे महापरिनिर्वाण या दोन घटनांसाठी लक्षात ठेवला जातो. दलित मुस्लीम यांचा वापर सातत्याने व्होट बँक राजकारणासाठी केला गेला. त्यांच्या सार्वांगिण विकासाकडे कधीच लक्ष दिले गेले नाही. आधुनिक काळात सेवा व्यवसायाला महत्त्व आले आणि परंपरेने सेवा व्यवसायात असलेला हा वर्ग मात्र त्या लाभांपासूनही वंचितच राहिला किंवा ठेवला गेला. )

(ममता दिदींनी युपीए नो मोर म्हणताच शिवसेनेने त्याचे समर्थन केले. शरद पवारांना युपीए चे प्रमुख करा अशी मागणीही आधीच संजय राउतांनी केली होती. पण कॉंग्रेसकडून दबाव येताच त्यांनी कोलांटउडी मारली. कॉंग्रेस शिवाय भाजप विरोधी आघाडी शक्य नसल्याचे वक्तव्य त्यांनी केले. सामनात अग्रलेख लिहिला. राहूल गांधींची दिल्लीत जावून भेट घेत डॅमेज कंट्रोल करण्याचा प्रयत्न केला.)

(शिया वक्फ बोर्डाचे माजी अध्यक्ष वसीम रिझवी यांनी जितेंद्र नारायण त्यागी असे नाव धारण करत हिंदू धर्म स्विकारला. त्यांच्या भाषेत त्यांनी घरवापसी केली. यावरून एक मोठा गदारोळ कट्टरपंथी इस्लामींमध्ये सुरू झाला.)

श्रीकांत उमरीकर, जनशक्ती वाचक चळवळ, औरंगाबाद 9422878575 

उसंतवाणी - राजकीय उपहास भाग ८५

 

उरूस, 6 डिसेंबर 2021 

(हिवाळ्यात पाऊस पडल्याने शेतमालाचे मोठे नुकसान झाले. अभाळाखालची शेती आता मुश्कील होवून बसली आहे. आधुनिक तंत्रज्ञानाचा वापर केल्याशिवाय आता पर्याय उरला नाही.)

(नाशिकच्या साहित्य संमेलनात अंधेरा छाया है अशी भाषा गीतकार जावेद अख्तर यांनी केली. अभिव्यक्ती स्वातंत्र्य नाही असा गळा काढणारे हे सारे मोकळेपणाने गेली साडेसात वर्षे बोलत आहेत. पण भाषा मात्र बोलू दिले जात नाही अशीच आहे.)

(लोकसत्ताचे संपादक गिरीश कुबेर यांच्यावर संभाजी ब्रिगेडने शाई फेकली. त्यांच्या पुस्तकांतील संभाजी महाराजांच्या बदनामी बद्दल ही शिक्षा देण्यात आल्याचे ब्रिगेडींचे म्हणणे आहे. हे तेच कुबेर आहेत ज्यांनी मदर टेरेसा यांच्यावरचा अग्रलेख मालकाच्या दबावात मागे घेतला होता.)

श्रीकांत उमरीकर, जनशक्ती वाचक चळवळ, औरंगाबाद 9422878575 

उसंतवाणी - राजकीय उपहास भाग ८४

 ३ डिसेंबर २०२१ 

उसंतवाणी २५० 

कृषी कायदे मागे घेतले तरी कृषी आंदोलन चालूच ठेवण्यावर टिकैत सारखे नेते अडून बसले आहेत. त्यातून त्यांचे इरादे स्पष्ट होत आहेत. ज्याचा प्रत्यक्ष शेतीशी काहीच संबंध नाही. 

उसंतवाणी २५१ 

राज्य सभेच्या १२ खासदारांचे निलंबन करण्यात आले. हे विरोधी खासदार राज्य सभेत गोंधळ करत होते. या पूर्वीच्या सत्रात त्यांनी गोंधळ घातला म्हणून ही शिक्षा त्यांना आताच्या सत्रात दिल्या गेली. 

उसंतवाणी २५२ 

ममता ब्यानर्जी यांनी मुंबई मध्ये असे वक़्तव्य केले की "यूपीए नो मोर!'' आता ह्याचा अर्थ स्पष्ट आहे की सोनिया यांचे नेतृत्व त्या मान्य करत नाहीत. आणि तसेही कॉंग्रेस संपल्या शिवाय ह्या पक्षांचा जनाधार वाढू शकत नाही. सर्वच विरोधक कॉंग्रेस  प्रश्नावर विखुरले आहेत. 

श्रीकांत उमरीकर, ९४२२८७८५७५. 

उसंतवाणी - राजकीय उपहास- भाग ८३

उरूस, 30 नोव्हेंबर  2021 

उसंतवाणी- 247

(साम टिव्हीने केलेल्या सर्वेक्षणात मविआ सरकारच परत सत्तेवर येईल असा निष्कर्ष काढण्यात आला. सत्ताधारी आघाडीचे मुख्यमंत्री उद्धव ठाकरे हेच सर्वात लोकप्रिय असल्याचेही संागण्यात आले.)

उसंतवाणी- 248

(संसदेचे हिवाळी अधिवेशन सुरू होत आहे. विरोधकांची एकी या वेळी दिसणे आवश्यक होते. पण सोनिया गांधींनी बोलावलेल्या विरोधी पक्षाच्या बैठकीला ममता बॅनर्जी यांनी जाण्याचे नाकारले. मायावतींनी अंतर ठेवले. केजरीवाल यांनीही नकार दिला. विरोधी बाकावर अशी फाटाफुट सुरवातीलाच दिसून आली.)

उसंतवाणी-249

(संज राउत आणि सुप्रिया सुळे यांनी संजय राउत यांच्या मुलीच्या लग्नात नृत्य केले. त्याचा व्हिडिओ व्हायरल झाला. त्यावर एक चर्चा सुरू झाली आहे. )

श्रीकांत उमरीकर, जनशक्ती वाचक चळवळ, औरंगाबाद 9422878575 

उसंतवाणी - राजकीय उपहास- भाग ८२

उरूस, 27 नोव्हेंबर  2021 

उसंतवाणी- 244

(उत्तर प्रदेशांत कोणाची कोणाशी युती होणार यावर मोठा गदारोळ उठला आहे. भाजप विरोधी मतांत फुट पडू नये म्हणून एकीकडे सर्व पुरोगामी पत्रकार विचारवंत घसा कोरडा करत आहेत आणि प्रत्यक्ष विरोधी पक्षातले मतभेद संपायला तयार नाहीत. त्यांची आपसांतील फाटाफुट सातत्याने दिसून येत आहे.)

वाढवितो प्रश्‍न । प्रदेश उत्तर ।

होई निरूत्तर । विश्लेषक ॥

युतीसाठी जाई । कोण कोणा संग ।

उडती पतंग । अंदाजांचे ॥

जाती धर्म पक्की । म्हणे व्होट बँक ।

सत्तालोभे टँक । भरलेला ॥

आता नाही जोडी । ‘बुआ’ नी ‘बबुआ’।

‘फायदा न हुआ’ । गतवेळी ॥

बिछडले दोघे । ‘युपी के लडके’ ।

दोघेही कडके । सत्ताहीन ॥

हळू हळू होऊ । लागली खातरी ।

हिरवी कातरी । ओवैसी हा ॥

कांत मोदी योगी । डबल इंजन ।

विखुरले जन । विरोधक ॥

(25 नोव्हेंबर 2021)

उसंतवाणी- 245

(सेंट्रल विस्टाच्या विरोधात परत एक याचिका सर्वौच्च न्यायालयात दाखल करण्यात आली. सहाव्यांदा ही याचिका फेटाळण्यात आली.  )

(26 नोव्हेंबर 2021)

उसंतवाणी-246

(26 नोव्हेंबर हा संविधान दिवस साजरा करण्यात आला. त्यावर विरोधकांनी बहिष्कार टाकला. संसदेने केलेले कायदे रस्त्यावरच्या झुंडशाही आंदोलनाने मागे घेण्यात आले. हा संविधानाचा मोठा अपमान आहे. )

(27 नोव्हेंबर 2021)

श्रीकांत उमरीकर, जनशक्ती वाचक चळवळ, औरंगाबाद 9422878575 

उसंतवाणी - राजकीय उपहास- भाग ८१

उरूस, 24 नोव्हेंबर  2021 

उसंतवाणी- 241

(विदेशी मद्याच्या उत्पादन शुल्कात सवलत देण्याची घोषणा महाराष्ट्र सरकारने केली.)

उत्पादन शुल्क । ‘विदेशी’ला सूट ।

पाठीमध्ये बूट । देशीच्या या ॥

भारतात फार । विदेशीचे लाड ।

देशी वाटे द्वाड । घरचीच ॥

उच्चभ्रू जगात । ‘विदेशी’चा थाट ।

गटारीचा काठ । देशीसाठी ॥

‘विदेशी’चा मंद । धुंद गंध तोरा ।

देशी भपकारा । तीव्र किती ॥

विदेशी सोबत । काजूचा चखणा ।

देशीचा फुटाणा । गरिबीचा ॥

विदेशी म्हणजे । नाजूक गझल ।

देशी उठवळ । लावणी ही ॥

नशे नशे मध्ये । आहे इथे भेद ।

समतेला छेद । कांत म्हणे ॥

(22 नोव्हेंबर 2021)

उसंतवाणी- 242

(तीन ही कृषी कायदे मागे घेतले तरी शेतकरी आंदोलन करत रस्त्यावर बसूनच आहेत. आता आमच्या बाकिच्या मागण्या पूर्ण करा असा आग्रह त्यांनी धरला आहे. )

तीन ही कायदे । घेतले माघारी ।

तरी शेतकरी । रस्त्यावरी ॥

आंदोलन नव्हे । आडमुठेपणा ।

बुद्धीने ठणाणा । जाणवतो ॥

वैचारिक नको । कुणालाच चर्चा ।

बिनडोक मोर्चा । निघालेला ॥

सरकारी पाश । अडकतो पाय ।

कसायाला गाय । धार्जिण ही ॥

हक्क नको यांना । हवी आहे भीक ।

कटोराच ठीक । हातामध्ये ॥

कुर्‍हाडीचे दांडे । गोतास हे काळ ।

बंधनाचा फाळ । उरामध्ये ॥

कांत बंधनात । सुख वाटे भारी ।

नभात भरारी । नको वाटे ॥

(23 नोव्हेंबर 2021)

उसंतवाणी-243

(परमवीर सिंह यांनी सर्वौच्च न्यायालयात असे शपथपत्र दाखल केले आहे की मला मुंबई पोलिसांपासून धोका आहे. तेंव्हा मला सुरक्षा देण्यात यावी. खुद्द पोलिस प्रमुखच म्हणतो आहे की मला पोलिसां पासूनधोका आहे. )

पोलिस प्रमुख । सांगतो कोर्टाला ।

भीती या जिवाला । पोलिसांची ॥

तान्हे रडू रडू । सांगते दाईला ।

आवरा आईला । वैरीण ती ॥

‘परम’ कौतुके । तेंव्हा भरे घडा ।

अर्णवला धडा । शिकविता ॥

मनसुख हत्या । चांडाळ चौकडी ।

‘परम’ तंगडी । अडकली ॥

वाटणीवरूनी । भांडणे चोरांची ।

नावे ही थोरांची । गुंतलेली ॥

आपुल्या पिल्लाला । खातसे मांजर ।

बगीचा बंजर । माळ्यामुळे ॥

कांत सत्तेचा या । अनैतिक पाया ।

नको ते पहाया । भेटणार ॥

(24 नोव्हेंबर 2021)

श्रीकांत उमरीकर, जनशक्ती वाचक चळवळ, औरंगाबाद 9422878575 

उसंतवाणी - राजकीय उपहास- भाग ८०

उरूस, 21 नोव्हेंबर  2021

 

उसंतवाणी- 238

(वीर दास या स्टँडअप कॉमेडियनने भारतावर टिका करताना स्त्रीची सकाळी पुजा करतात आणि रात्री तिच्यावर बलात्कार करतात असे शब्द वापरले. त्यावरून मोठा संताप सामान्य भारतीयांत उसळला.)

पहाटेला देवी । म्हणोनिया हार ।

रात्री बलात्कार । भारतात ॥

स्त्रीचा उपमर्द । करी ‘वीर दास’ ।

मारावे पन्नास । जोडे त्याला ॥

परदेशी करी । स्वधर्माची निंदा ।

किफायती धंदा । स्टँडअप ॥

समर्थना धावे । लिब्रांडूंची फौज ।

पुरोगामी मौज । हिंदूद्वेष ॥

दिनभर रोजा । रेप करी रात्री ।

आहे दम गात्री । बोलण्याचा? ॥

शांत सहिष्णु जो । त्याला देती लाथा ।

धर्मांधांना माथा । मिरवती ॥

ऐसा ‘वीर’फेडी । हिंदुत्वाचे पांग ।

तुळशीत भांग । कांत म्हणे ॥

(19 नोव्हेंबर 2021)

उसंतवाणी- 239

(तीनही कृषी कायदे मोदींनी मागे घेत असल्याची घोषणा पहाटे केली. यातून झुंडशाही पुढे मोदींनी शेपूट घातली हेच सिद्ध होते. )

झुंडशाहीपुढे । घालती शेपूट ।

कायदे निमूट । घेती मागे ॥

मातीमोल होवो । शेती शेतकरी ।

‘इंडिया’ ही खरी । व्होट बँक ॥

काहीही होवू दे । तरी बेहत्तर ।

तीनशे सत्तर । हटविले ॥

सीएए आणिक । ट्रिपल तलाक ।

आणुनिया धाक । बसविला ॥

परि शेतीसाठी । वाघ बने शेळी ।

गप्प आळीमिळी । क्षणार्धात ॥

देशद्रोही सार्‍या । डंकेल बीटीच्या ।

झीरो बजेटच्या । खेळी यांच्या ॥

कुणब्याला आता । कुणी नाही वाली ।

काळरात्र आली । कांत म्हणे ॥

(20 नोव्हेंबर 2021)

उसंतवाणी-240

(शाळांमधून मराठी सक्तीची करण्यात आली. ज्या शाळां हे पाळणार नाहीत त्यांना एक लाख रूपये दंड आकारण्यात येईल असे महाराष्ट्र शासनाकडून जाहिर करण्यात आले. )

मराठी भाषेची । शाळांतूनी सक्ती ।

जडते का भक्ती । जबरीने? ॥

भाषेपाठी हवी । ताकद भक्कम ।

मोजूनी रक्कम । व्यवहार ॥

सर्वत्र हवा तो । भाषेचा वापर ।

नसता खापर । फुटणार ॥

भाषा वाढते ना । काढल्याने गळा ।

वाढल्याने लळा । वाढते ती ॥

अनुभवे होते । भाषा ही समृद्ध ।

परभाषा युद्ध । जिंकावया ॥

ज्ञानाच्या तुक्याच्या । भाषेत गोडवा ।

अक्षर पाडवा । मनोहारी ॥

कांत मराठीचा । ताठ आहे कणा ।

डिवचता फणा । काढते ही ॥

(21 नोव्हेंबर 2021)

श्रीकांत उमरीकर, जनशक्ती वाचक चळवळ, औरंगाबाद 9422878575